Thoes

P&M Leedjesfestival
Sjapoo oet Kessel-Eijk is de groeëte winnaar van 't P&M Leedjesfestival 2012 mèt 't nummer 'Waeralarm', gesjraeve door Marij Gijsen. De PJP-bokaal väör originalteit is gewonne door 3% oet Baolder mèt 't nummer 'De waeg nao vastelaovend'.

 

Promotiefilmke P&M Leedjesfestival 2012

 
Waord vanne väörzitter

Leef jonges en maedjes, karnevalliste van P&M en wiet dao boete

Biezunjer grueëts bèn ich d’r op, det de Kwiebusse weer allemaol in de waer zeen om ‘t mäögelik te make, det wae same met uch op 14 jannewarie d’r weer ein grandioos spektakel van kènne make. ‘T is inmiddels al 12 jaor gelaeje det wae ‘t P & M Leedjesfestival in Naer mogte organisere, väör 12 Vastelaovesvereiniginge oet 5 gemendjes. Noe 12 jaor later zeen 11 vereiniginge oet de gemendje Pieël en Maas en zeen de Kwiebusse van Naer as enigste van dao boete en daomèt, waat gemendje betröftj ein boetebeinke, mer wae Naerse Kwiebusse veule os hieël good thoes bie de Vastelaovesveerders oet Pieël en Maas en weite mer al te good det aug dao op de juuste en antoesjaste meneer de Vastelaovendj geveerdj waerdj met vanzellefsjpraekendj de sjoeanste Vastelaovesleedjes

En daorom leef jonges en maedjes karnevalliste, nueëdig ich uch allemaol gaer oet om nao t P&M leedjesfestival 2012  in Naer te kome, óm dit Vastelaovesfieëst met ós te veere en te belaeve.

Ich zooj zègke toet 14 jannewarie in Naer
Wae zeen uch dao Gaer

Ton Klaessen
Väörzitter van de wèrkgroep P&M leedjesfestival 2012 Naer

VV De Kwiebusse